Նախկինում միայն իսկական նկարիչները, ովքեր գիտեին վրձինով անկրկնելի հրաշքներ ստեղծել, կարող էին փոխանցել իրենց շրջապատող աշխարհի ողջ շքեղությունն ու բազմազանությունը. Դարեր շարունակ տարբեր տարիքի մարդիկ կարծես սառում են հանճարների կտավների առջև:
Վինսենթ Վան Գոգ՝ Աստղալից գիշեր (1889 թ․)
Այսօր յուրաքանչյուր մարդ կարող է ստեղծել իր գեղեցկության գլուխգործոցը `նույնիսկ նրանք, ովքեր գեղարվեստական մեծ ունակություն չունեն: Այս հնարավորությունը մեզ տվեց թվերով նկարչությունը:
Թվերով նկարչության (թվերով գեղանկրաչություն կտավի վրա, թվահամարներով նկարչություն) հավաքածուները բավականին լայն տարածում են ստացել մի շարք երկրներում, այդ թվում անև ՌԴ, Ամերիկայում, Եվրոպայում, Ճապոնիայում, Կորեայում։ Հակասթրեսային էֆֆեկտով տրենդային հոբիի այս տեսակը օրեցոր դառնում է առավել պահանջված ՝ թե փոքրերը, թե մեծերը հաճույքով իրենց վրա են փորձում լեգենդար Լեոնարդո դա Վինչիի դերը (ի դեպ, հենց իր մեթոդն էլ դրվել է այս հավաքածուների ստեղծման հիմքում ( ! )։
Այս հավաքածուները ժամանցի, հանգստանալու և ինքդ քեզ ավելի լավ հասկանալու հիանալի միջոց են: Դու կարծես խոսում ես քո ներսում թաքնված նկարչի հետ, որն ապրում է յուրաքանչյուրիս մեջ՝ լինես դու մանկավարժ, բժիշկ երաժիշտ, թե ղեկավար:
Փորձենք միասին բացահայտել այս հավաքածուների որոշ «օգտակար» կողմերը։
1. Ուժեղ հակասթրես
Գիտես, որ երբ նկարելու ժամանակ վրձինդ տեղափոխում ես կտավի վրայով, ուղեղդ ․․․ հանգստանում է ինչպես, օրինակ, մեդիտացիայի ժամանակ։ Պատկերացրու, թե ինչպես ես աշխատանքային ծանր օրվանից տուն գալիս և նստում նկարելու։ Ընդամենը կես ժամվա ընթացքում բոլոր խնդիրներդ հանգում են նրան, թե որ գույնով և որ համարն ես պատրաստվում ներկել հաջորդը։ Կենտրոնանալով համարակալված հատվածների գունազարդման վրա՝ դու իսկապես շեղվում ես առօրյա խնդիրներից: Ոչ ոք քո գլխավերևում կանգնած չէ, չի գնահատում և չի ուղղորդում: Դու վերջապես գտնվում ես հարմարավետ վիճակում և անում ես այն, ինչ ուզում ես ՝ առանց մտածելու ՝ ինչ-որ մեկին դուր կգա՞ քո նկարածը, թե՞ ոչ: Այս ամենը թեթեւացնում է սթրեսը, էներգիա է հաղորդում, հանգստացնում է և հանգեցնում ներդաշնակության:
2. Օգնում է քնելուն
Հավասարակշռելով հուզական վիճակը թվերով նկարչության միջոցով` մենք թույլ ենք տալիս մարմնին պատրաստվել առողջ քնի: Ոչ հեռուստացույցը, ոչ համակարգիչը, ոչ սմարթֆոնները չեն օգնի հաղթահարել անքնությունն ու հաճախակի արթնանալը: Գաջեթներն ու էկրաններից ճառագայթումը բացասաբար են ազդում քնի որակի վրա ՝ կանխելով մելատոնինի ՝ «քնի հորմոնի» արտադրությունը: Իսկ գույների հետ խաղը, որպես երեկոյան ծես, օգնում է հանգստանալ առանց վնասակար ազդեցության:
3. Ստեղծարար պոտենցիալի բացահայտում
Նկարներ նկարելով ՝ մենք կարող ենք մեզ արվեստագետ զգալ, նույնիսկ եթե երբևէ նկարչության տաղանդ չենք ունեցել:
Թվերով նկարչությունը չի պահանջում որևէ հատուկ գեղարվեստական ունակություն, բայց այն կարող է արվեստի նոր ուղու և հոբբիի սկիզբ դառնալ: Սկսելով գունավորել պարզ գծագրերով, փնտրում ես ավելի բարդերը և շուտով սկսում ես նկարներին քո սեփական ինչ-որ տարրեր ավելացնել: Չզարմանաս, եթե ցանկություն առաջանա սովորել կիթառ նվագել կամ քանդակագործության դասեր վերցնել ՝ պարզապես թույլ տուր քեզ ստեղծագործել !
4. Ինքդ քեզ հետ
Թվերով նկարչությունը թույլ է տալիս մեզ մենակ մնալ մեր մտքերի հետ, որը կարծես անհնարին է դարձել մեր կյանքի այս տեմպի մեջ: Ասում են, թե «մտքերի հետ մենակ մնալը շատ վտանգավոր գործունեություն է, բայց շատ օգտակար»։ Գուցե ինքդ քեզ ժամանակ տրամադրելով կարողանաս կարգավորել որևէ խնդիր կամ կորոշես անգամ ինչ-որ բան արմատապես փոխել:
5. Երեւակայության զարգացում
Չնայած թվերով գունազարդումը առաջին հայացքից կարող է թվալ որպես ստեղծագործական գործունեություն, դրանք զարգացնում են մեր գեղարվեստական ճաշակը: Մենք ընտրում ենք գույներ, փորձում փորձեր կատարել, հետաքրքրվել ուրիշի գործերով և արվեստի այլ ոլորտներով: Այսպես զարգանում է մեր ստեղծագործական երեւակայությունը ՝ թույլ տալով մեզ նորովի նայել աշխարհին:
6. Ուղեղի զարգացում
Թվերով նկարչությունը հիշողությունը, կենտրոնացումը և զգոնությունը բարելավելու հիանալի միջոց են: Դրանք նույնիսկ օգնում են ավելի արդյունավետ և կազմակերպված լինել աշխատանքում, քանի որ փոքր մասնիկներ ներկելիս ուղեղի ճակատային բիլթն ակտիվորեն աշխատում է ՝ համակարգելով ստացված տեղեկատվությունը: Որքան ավելի բարդ ու գունեղ է նկարը, այնքան լավ են գործում ուղեղի երկու կիսագնդերը, որոնք պատասխանատու են տրամաբանության և ստեղծագործության համար:
7. Ժամանացի հոյակապ միջոց
Թվերով նկարչության հավաքածուները կարող ես տանել քեզ հետ գրասենյակ, սրճարան, բնության գիրկ, այգի կամ վերցնել անգամ ճանապարհորդելիս, քանի որ շատ տեղ կամ լրացուցիչ պարագաներ չեն պահանջում: Չես պատկերացնում ի՜նչ հաճելի է անցնում ժամանակը դրանց հետ։ Այս հավաքածուները երկար կարող են զբաղեցնել երեխային ինքնաթիռում, գնացքում, կլինիկայում կամ նույնիսկ ռեստորանում: Կարելի է անգամ մի քանի հոգով ներկել միանգամից մեկ կտավ , որը հոյակապ կնպաստի թիմի զարգացմանը և ընտանիքի անդամների համախմբմանը։
Դե, իսկ հիվանդասենյակում գտնվողների համար այս հավաքածուները իսկապես փրկություն են (!)։
8. Նվեր, որը միշտ հաճելի է ստանալ
Այս ստեղծագործական հավաքածուները հարմար են ցանկացած տարիքի և սեռի մարդկանց համար: Պարզապես փորձիր հասկանալ նախասիրությունները և ինտերիերի առանձնահատկությունները և նվիրիր մի նվեր, որը կպարգևի հաճելի և օգտակար ժամանց, նվեր, որը միշտ կհիշեցնի նաև քո մասին: